Òganizasyon Sitwayen pou yon Nouvèl Ayiti (OCNH, nan sig fransè) di li resanse yon ogmantasyon moun ki viktim anba ensekirite a nan plizyè rakwen peyi d Ayiti . Li jwenn 84 moun ki fè vwèl pou peyi san chapo pandan mwa septanm 2022 a.
Nimewo 1 OCNH la mèt Camille Occius fè konnen suit ak bilan sila, se 27 moun anplis ki mouri pou mwa septanm nan konpare ak dawout pase.
Nonb moun ki mouri akòz ensekirite a nan peyi a pou mwa septanm nan ogmante pa rapò ak mwa dawout la, daprè OCNH nan yon rapò li prezante, pandan l t ap raple pou mwa jen an li te jwenn 57 ka omisid, 49 pou mwa jiyè a kont 57 pou mwa dawout la.
Nan detay yo òganizasyon k ap defann dwa moun nan revele gen 7 fanm pami 84 viktim yo pou mwa septanm 2022 a, epitou 4 polisye.
Òganizasyon Sitwayen pou yon Nouvèl Ayiti (OCNH) mande otorite yo pou yo frennen machin ensekirite a ki kontinye ap mete dlo nan zye popilasyon an ak simaye dèy tout kote chak jou pi plis.
Facebook Comments