21 lane prizon pou yon nonm ki te vòlè plizyè chyen Lady Gaga 

Pooshy Rosana
Pooshy Rosana  - Rédacteur
21 lane prizon pou yon nonm ki te vòlè plizyè chyen lady gaga 

James Howard Jackson, se non yon jenn gason 20 lane ki plede koupab pou tantativ asasina, aprè l te rekonèt li te tire sou Ryan Fischer, yon mesye ki t ap pwonmennen plizyè chyen pou chantè Lady Gaga. 

Ayè lendi 05 desanm lan, nan Los Angeles, yo kondane James Howard Jackson pou l pase 21 lane dèyè kat miray pou al reflechi sou zak sila li te poze nan mwa fevriye ane 2021. 

- Advertisement -
Ad imageAd image

Divès imaj kamera siveyans te montre 2 endividi ak zam, pami yo Jackson, sòti anndan yon machin ki te tou pre anplwaye a ki t al pwonmennen 2 bouldòg fransè pou atis la. Yo te bay li yon bal nan pwatrin li. 

Aprè yo te fin poze zak la, kriminèl yo te pran 2 nan chyen yo, Koji ak Gustav, sove ak yo epi kite Ryan Fischer ap benyen nan san l. Te gen yon twazyèm chyen, Miss Asia, li te rive sove, men pa la suit li te vin kouche bò kote nonm ki t ap pwonmennen yo a, nan referans ak Ryan Fischer. 

Aktris Lady Gaga te baybyin rekonpans 500 mil dola pou tout moun ki te ede l jwenn 2 chyen yo te vòlè yo. 

Yon fanm te mennen yo tounen, epi di li te jwenn yo mare nan yon poto, yo te arete l kòm konplis aprè sa. Daprè lapolis la, li te gen yon relasyon ak papa youn nan atakè yo e li te responsab pou pran rekonpans Lady Gaga t ap bay pou rejwenn chen yo. 

Suit ak arestasyon l, James Howard Jackson te lage nan dat 6 avril pase a apre yon erè administratif epi yo te vin arete l ankò kat mwa aprè. 

Li resevwa santans sa, aprè pa konplis li yo, ki se Jaylin Keyshawn White, 20 lane, kondane a 4 lane nan prizon, ak Lafayette Shon Whaley, 28 kabe, kondane a 6 lane prizon, daprè sa biwo pwokirè ki sou dosye a rapòte.  

Si kou a te pase, yo t ap fè yon pakèt kòb ak chyen sila yo sou mache nwa, paske yo se pwopriyete yon sipèsta. Kidonk yo t ap jwenn bon jan òf sou mache nwa a. 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.