5 moun omwen mouri anba bal lapolis nan Simon-Pelé lendi 10 oktòb pase a pandan yon operasyon 

Netalkole Media
Netalkole Media
5 moun omwen mouri anba bal lapolis nan simon pelé lendi 10 oktòb pase a pandan yon operasyon 
Écoutez cet article

Plizyè moun mouri pandan afwontman bandi ak lapolis suit ak yon entèvansyon fòs lòd yo te fè nan zòn anba Delma ak sou wout ayopò pou wè si yo te kapab debloke zòn sila yo pou gaz te ka sòti nan tèminal Varreux, anndan Site Solèy.  

Pyès moun pa rapòte nouvèl dram sila. Plis pase 5 moun mouri nan plizyè zòn tankou Vilaj Solidarite ak Simon-Pelé aprè yon cha PNH la t ap echanje kout zam avèk endividi ki regwoupe nan kowalisyon G9 an Fanmi e Alye, ki gen nan tèt li Jimmy Cherizier alyas Babekyou. 

- Advertisement -
Ad imageAd image

Lendi 10 oktòb pase a bò 2è nan aprèmidi plizyè veyikil polis te pran direksyon estasyon Gonayiv pou te wè si yo kapab debloke rantre tèminal Varreux ki nan komin Site Solèy, pandan operasyon sila youn nan veyikil entèvansyon yo te tou pwofite rive nan zòn Simon-Pelé, daprè sa nou aprann. 

Alòske pèsòn pat atann kout zam te demare ant bandi ak lapolis, plizyè moun ki te nan move kote nan move moman, viktim anba bal lapolis. 

Daprè temwayaj nou jwenn pa bò kote kèk moun ki t ap sot travay nan moman entèvansyon sila, depi se moun ki te kanpe sou lari anndan Simon-Pelé ak nan yon zòn ki rele “Bò Abraham”, lapolis louvri kout zam sou yo. Sak pat gentan kouri pran bal epi mouri sou plas, se ka yin nonm ki abitye fè recho ak tòl pou vann.  

Aprè plizyè tan afwontman ant bandi ak lapolis ki te sekle zòn nan anwo kou anba, bò 6 zè pral nan 7è yo te al fè wout yo epi kite popilasyon an an dèy. Yon abitan nan zòn konfli a rapòte « se pa de moun ki pa mouri ak blese, genyen yo menm pase cha sou kadav yo pou asire yo mouri reyèlman ». 

Tout nan madi maten byen bonè moun t ap rekipere kadav atè nan lari Simon-Pelé. Genyen se pwòch yo ki vin leve kò yo. Pami viktim yo genyen Sonson, yon jèn gason ki t ap patisipe nan yon manifestasyon moun Site Solèy te fè lendi pase a epi ki t ap sòti Village Solidarité. 

Pou kounya sitiyasyon retounen nan kalm li nan zòn sila yo ki prèske pa aksesib akòz nèg ak zam bare wout yo ak machin, konntenè, elatriye. 

 

Facebook Comments

- Advertisement -
TAGGED:
Partagez cet article
Follow:
Restez informé(e) 7 jours sur 7, 24h sur 24, des événements marquants de l’actualité haitienne et internationale.