Dèy andedan administrasyon piblik ayisyen an. Lanmò lendi maten an, Direktè Jeneral Konsèy Nasyonal Telekominikasyon an (CONATEL), Jean Mary Guillaume, nan yon lopital nan peyi Etazini.
Daprè plizyè sous, redaksyon NAK Medya andedan sektè telekominikasyon an, Direktè Jeneral enstitisyon an, Jean Mary Guillaume, mouri maten lendi 16 janvye sa a, nan lè 1è AM yo, nan yon lopital kay Tonton Sam.
Toujou daprè sous sa yo, defen an te malad depi plizyè mwa, sa ki te fè li kite peyi a pou li ale nan peyi Etazini nan dat ki te 21 desanm 2022 a, pou l al chèche tretman, se nan menm peyi sa a li te mouri byen bonè Lendi sa a nan yon konjesyon serebral ( Accident cérébro-vasculaire AVC)
Li bon pou nou raple, Jean Mary Guillaume, te dirije CONATEL pandan 2 fwa, septanm 2011 pou rive mas 2018 ak 16 oktòb 2019 jiska lendi 16 janvye 2022 sa a.