Yon premye defèt pou Paris Saint-Germain sezon sa

Jacky Chery
Jacky Chery  - Rédacteur
yon premye defèt pou paris saint germain sezon sa
Pou premye match li nan ane 2023 a, Paris Saint-Germain anrejistre premye defèt li pou sezon sa sou tèren RC Lens ki genyen l 3-1. Tout konpetisyon melanje, parizyen yo potko janm pèdi depi kòmansman sezon an.
San Messi ki poko reprann aktivite depi aprè Koupdimonn lan ak Neymar ki te pran katon wouj nan match mèkredi pase a fas RC Strasbourg, Paris Saint-Germain konnen premye defèt li pou sezon 2022-2023 a fas RC Lens ki se dezyèm lan nan Ligue 1 an
Avèk yon atak eksperimantal konpoze ak Carlos Soler, Hugo Ekitike ki te enskri grenn gòl PSG an ak Kylian Mbappé ki te sove Paris nan match avan an, ekip Christophe Galtier an pèdi (3-1) nan yon match kote tout ekip lan te pase akote.
Yon defèt ki pa chanje twòp bagay nan tèt klasman an kote Paris Saint-Germain toujou rete lidè avèk 44 pwen pou 17 jounen chanpyona, ak 4 pwen anplis RC Lens ki genyen l ayè dimanch premye janvye an ki pase kounya ak 40 pwen.
RC Lens ki sou 9 match lakay li san pèdi pou sezon sa, mete fen ak yon seri match san pèdi pou PSG ki la depi 20 mas ane pase kote yo te tonbe devan AS Monaco ki te bat yo 3-0. Christophe Galtier k ap dirije ban parizyen an sezon sa konnen premye defèt li nan tèt ekip la.
N ap mansyone sou twa dènye match ki jwe ant Paris Saint-Germain ak RC Lens nan Ligue 1 an, parizyen yo genyen yon bilan negatif avèk 2 match nil epi yon defèt. Dènye viktwa PSG sou Lanswa yo remonte jiska premye me 2021 kote yo te genyen (2-1).

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.