Aprè festival ekip Barcelone nan kad 27tyèm jounen Liga fas ekip Elche a (4-0), yè samedi a. Catalan yo gen 15 pwen sou gran rival yo Real Madrid kap jwe fas Valladolid. Yon lòt bò ekip Elche a kontinye ap plonje nan klasman, yo dènyè ak 13 pwen.
Ekip Barcelone nan genyen Elche byen fasil nan kad 27tyèm jounen Liga. Lewandowski fè 2 gòl (20tyèm, 66zyèm), Ansu Fati fè yon gòl (56zyèm), aprè antouraj li te reklame plis tan pou l jwe. Lòt bitè pou Catalan se Ferran Torres (70zyèm). Barcelone ki ap file pou 27tyèm tit li nan Liga, gen 15 pwen sou Real Madrid, avan Marengue yo resevwa Valladolid.
Lewandoski make 16zyèm ak 17tyèm gòl li nan Liga pou sezon sa, sa ki fè l se meyè bitè chanpyona davan Unes Unal kap jwe nan Getafe. San bliye pèfòmas Gadyen Almann, ter Stegen k ap fè yon sezon tèt chaje ak Barcelone, pou sezon sa li fè 20 match san pran gòl.
