Nan lannwit jedi a, Boston rive mete do Warriors yo atè aprè pwolongasyon (121-118). Nan match sa Jayson Tatum make 34 pwen ak 19 rebon, yon lòt bò Stephen Curry make 29 pwen. Franchiz Massachusetts la genyen remake final ane pase a epi pran revanch li.
Boston bat Warriors yo nan remake final ane pase a nan pwologasyon (121-118). Se yon rankont ki te gen anpil enpòtans, ki te reponn ak atant fanatik NBA yo. Jayson Tatum ak Stephen Curry te montre talan yo ak entèlijans yo nan match sa. Jayson Tatum make 34 pwen pou Boston epi Stephen Curry fè 29 pwen pou Warriors yo.
Afich ant Pistons ak Bulls yo ki t ap fè Paris te anonse pi eksitan, men rankont Boston fas Warriors la te bay plis anvi ak emosyon paske se te remake dènye final NBA a. Se yon bèl revanch pou koyekipye Jayson Tatum yo.
Aprè rankont lan Al Horford ki fè 20 pwen, 10 rebon fè konnen:
« Wi se te yon gwo match, m te vle nou genyen, m te vrman vle nou genyen match sa. Se sezon regilye, se jis yon match. Men se yon match enpòtan. »
Ekip Steve Kerr a ki pa bay gwo pèfòmans lè li an deplasman te tonbe fas ak ekip ki pi fò nan NBA a pou sezon sa. Warriors yo pèdi match chòk sa, men 4 jwè te rive make plis pase 20 pwen nan rankont sa pou franchiz la : Stephen Curry (29), Jordan Poole (24) epi Klay Thompson ak Andrew Wiggins make 20 pwen.
Men kijan lòt rankont yo fini
Chicago – Detroit : 126-108
Celtics – Warriors : 121-118
Timberwolves – Raptors : 128-126
Trail Blazers – Sixers : 95-105
Suns – Nets : 117-112
Facebook Comments