Di Maria ap kontinye avanti avèk seleksyon Ajantin nan

Jephte Pascal
Jephte Pascal  - Rédacteur
di maria ap kontinye avanti avèk seleksyon ajantin nan
Di Maria se youn nan lejand ki pote mayo seleksyon Ajantin nan. Dimanch 18 Desanm nan, li pran premye Mondyal li ak Albiceleste a. Semèn sa, l anonse l ap kontinye ak seleksyon an.
Youn nan pi gwo kado foutbòl Ajaten an konnen se Angel Fabian Di Maria. Se pòt-bonè ekip sa depi lè l ap jwe avè yo. Li se sèl jwè ki toujou fè gòl nan chak final Ajantin ranpòte yo. Alòske yo panse l t ap pran retrèt entènasyonal li, l anonse l ap kontinye pote mayo seleksyon an.
Angel Di Maria deja jwe 129 match sou koulè peyi l. Pandan gwo karyè l konnen an, li make 28 gòl e bay 27 pas desizif. Li fè plizyè gòl ki gen enpòtans kapital tankou gòl nan final Copa America, JO, Finalissima epi final Mondyal 2022 a anfas Lafrans.
Flaco a gen 55 konstribisyon gòl nan pasaj li ak Ajantin. E li ranpòte 3 twofe ak seleksyon senyò a. Lè l sou teren, se youn nan jwè ki pi enpòtan nan dispozitif ekip la. Jodi a li se dezyèm kapitèn seleksyon an. Ajantin gen chans jwenn Di Maria e l ap kontinye ofri sèvis li pou yon ti tan.

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.