Odette Roy Fombrun, yon mapou ki tonbe

Jacky Chery
Jacky Chery  - Rédacteur
odette roy fombrun, yon mapou ki tonbe
Yon tris nouvèl pou peyi a pandan peryòd fen ane an, istoryèn Odette Roy Fombrun mouri jounen vandredi 23 desanm lan, lakay li, a 105 lane. Yon nouvèl pitit fi l, Marie Claude Bayard, konfime sou rezo sosyal yo.
Daprè anons sa, pwofesè Odette Roy Fombrun mouri jounen vandredi 23 desanm 2022 an, a 9è 28 nan maten. Yon lanmò ki vini trankilman, pou n site mo pitit fi li, Marie Claude Bayard, ki t ap anonse nouvèl la sou rezo sosyal yo.
A 105 lane, Odette Roy Fombrun mouri nan fen ane 2022 an e kite dèyè yon eritaj chaje ak zèv literè. Yon non k ap rete vivan nan sosyete an pandan trè lontan. Liv sou istwa peyi Dayiti, roman, atik jounal, yon palmarès byen ranpli pou gwo mapou sa ki ale jounen jodia.
Odette Roy Fombrun fèt nan dat 13 jen 1917, nan Pòtoprens, dezan aprè kòmansman okipasyon amerikèn 1915 lan. Kòm ekriven iswta, Madanm sa genyen nan palmarès li divès zèv istorik tankou : Le drapeau et les Armes de la République, L’Ayiti des Indiens, elatriye…
Depi 2007, li mete sou pye yon fondasyon ki pote non l, Fondasyon Odette Roy Fombrun, avèk pou prensipal objektif edikasyon, fòmasyon sitwayen ak devlopman Ayiti.
Odette Roy Fombrun, yon non ki make istwa peyi a e k ap ret grave pandan lontan nan memwa chak grenn sitwayen nan sosyete an. An 2017 li te chwazi kòm envite donè nan «Livres en folie» ki t ap òganize nan menm ane sa.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.