Kidnape depi ayè lendi 19 jen 2023 a, direktè konpayi materyèl konstriksyon “Vorbe et Fils” la jwenn liberasyon l kèk tan aprè bandi yo idantifye kòm manm “Kraze Baryè” te kidnape l andedan antrepriz la.
Viktim lan te pase plizyè èdtan annotaj nan abri bandi san fwa ni lwa baz Kraze Baryè yo. Menmsi poko gen okenn enfòmasyon ki disponib sou kondisyon liberasyon sila a, toutfwa, plizyè sous lokal konfime liberasyon an.
Nou ta dwe remake, bandi yo te rantre ak fasilite nan konpayi sila a, anvan menm yo te kidnape direktè a epi ale ak li san pa t gen pyès opozisyon.
