Konsèy ki t ap dirije “Orchestre Septentrional d’Haïti ” an kraze

Jacky Chery
Jacky Chery  - Rédacteur
konsèy ki t ap dirije “orchestre septentrional d'haïti ” an kraze
Nan yon kominike pou Laprès ki pote dat 26 desanm 2022, Ulrich Pierre-Louis ki se prezidan Konsèy siperyè Orchestre Septentrional d’Haïti an enfòme piblik la an jeneral sou desizyon li pran pou kraze estrikti sa.
Nan yon korespondans ki te deja adrese ak manm ki konpoze Konsèy siperyè Orchestre Septentrional d’Haïti yo nan dat 16 desanm pase an, Ulrich Pierre-Louis te anonse li kraze estrikti sa kote manm li yo pa otorize pale oubyen aji nan non enstitisyon an.
Nan korespondans sa nou jwenn kopi nan redaksyon Netalkole Media, Mesye Pierre-Louis moun plis konnen sou non Rico motive desizyon sa akoz malèz ki ta egziste ant li menm ak divès manm ki te konpoze konsèy sa ki t ap administre Orchestre Septentrional depi kèk lane.
Nòt pou la près konsèy ki t ap dirije “orchestre septentrional d’haïti ” an kraze
Daprè Rico, konsèy ki t ap dirije a pa t an mezi pou mete lòd ak disiplin nan enstitisyon an ki lakoz jounen jodia Septentrional vini yon enstitisyon divize avèk yon afè klan nan mitan gwoup la ki se youn nan pi ansyen yo nan endistri mizikal ayisyen an ki egziste toujou.
Annatandan yon retou nan fonkyonnman nòmal enstitisyon an, genyen dispozisyon ki pran pou asire tranzisyon an nan “Orchestre Septentrional d’Haïti”, daprè Ulrich Pierre-Louis ki egalman anonse gen kominikasyon k ap vini pa twò lontan sou mezi ki pran pou asire jesyon gwoup la.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.