Repiblik Dominikèn, prensipal destinasyon touristik pou Karayib la

Jacky Chery
Jacky Chery  - Rédacteur
repiblik dominikèn, prensipal destinasyon touristik pou karayib la
Si bò kote pa nou aktivite touristik yo pa sispann degringole nan kantite moun ki vin vizite peyi an, se totalman kontrè a lòtbò fwontyè a kote Repiblik Dominikèn jounen jodia se prensipal destinasyon touristik pou Karayib la.
Nan yon kominike sou bilan aktivite touristik yo an Repiblik Dominikèn pou ane 2022 an, Minis touris la, David Collado, fè konnen sòti janvye pou rive 29 desanm peyi yo an resevwa plis pase 7 milyon touris, sa ki se yon rekò pou yo.
Minis lan pwofite pou presize nan sèlman jounen lavèy 29 desanm lan genyen yon total 30,000 touris ki rantre Repiblik Dominikèn nan okazyon fèt fen ane yo kote tout chanm otèl prèske fin ranpli ak rezèvasyon ki fèt toupatou nan peyi an.
Pandan menm moman sa, an Ayiti, IHSI ki se prensipal òganis Leta genyen pou kolekte done estastik yo, prezante pandan semèn sa yon seri chif tèt chaje sou aktivite touristik yo an Ayiti kote peyi an resevwa sèlman 37 mil touris pou ane 2022 a.
Daprè Minis David Collado, pou sèlman mwa oktòb ki sot pase a, Repiblik Dominikèn resevwa yon total 491 787 mil touris ki sòti toupatou nan mond lan. Yon aktivite ki rapòte jiska 7,2 milya dola ak ekonomi dominiken an, sa minis lan presize.
Nan yon rapò sou pèfòmans prensipal destinasyon entènasyonal yo, enstiti britanik ForwardKeys prezante Repiblik Dominikèn kòm peyi ki anrejistre pi gwo monte a nan zafè touris sòti 2019 pou rive 2022 avèk yon ogmantasyon ki depase 30%.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.