Lèzetazini pa nome okenn anbasadè an Repiblik dominikèn 

Pooshy Rosana
Pooshy Rosana  - Rédacteur
lèzetazini pa nome okenn anbasadè an repiblik dominikèn 

Prezidan ameriken an Joe Biden prezante komisyon senatoryal relasyon etranjè yo yon dokiman ki genyen ladan l 25 kandida li chwazi pou sèvi anbasadè nan plizyè peyi nan mond lan, men pou yon lòt fwa ankò Repiblik dominikèn pa nan lis la. 

2 lane aprè Joseph Robinette Biden Junior rive nan tèt Mezon Blanch lan, gouvènman dominiken an ap pran frap anba men chèf leta ameriken an. 

- Advertisement -
Ad imageAd image

Nan nouvo nominasyon li yo, Biden mete reprezantan gouvènman ameriken nan plizyè peyi tankou Pewou, Kolonbi, Baamas, Repiblik Kapvè, Ekwatè, Nijè, Wayòm Kambodj, Montenegro, End, Wanda, Jòdani, Azèbaydjan, Etyopi, Nijerya, Arabi Sawoudit, Emira Arab Ini, Zimbabwe, Repiblik Maldiv, pou n site sa yo sèlman, men Repiblik dominikèn pa nan lis la. 

Dènye anbasadè Etazini an Repiblik dominikèn nan se te Robin Bernstein, depi lè sa se yon chaje dafè Lèzetazini voye nan peyi a, ki se Robert Thomas. Nonm sila se chèf misyon diplomatik ki ranplase Robin Bernstein. 

N ap raple pami 25 non prezidan Joe Biden prezante yo genyen Calvin Smyre, ki te dwe nonmen anbasadè Lèzetazini an Repiblik dominikèn, men nan detay dokiman an bay se pou Baamas li nonmen Calvin Smyre kòm anbasadè ekstraòdinè ak plenipotansyè.  

Nominasyon M. Smyre kòm anbasadè Repiblik dominikèn te anonse nan fen septanm lane 2021. Lè sa diplomat la te deklare pòs sila se yon “gwo onè” pou li, li te espere l ap fè enterè Lèzetazini genyen nan gouvènman dominiken an pike pou pi douvan. 

 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.