MENFP selebre jounen entènasyonal edikasyon an

Jacky Chery
Jacky Chery  - Rédacteur
menfp selebre jounen entènasyonal edikasyon an

Nan yon seremoni ki dewoule nan Karibe Otèl, Ministè edikasyon nasyonal selebre ayè madi 24 janvye 2023 a jounen entènasyonal edikasyon an kote plizyè pèsonalite enpòtan nan sektè edikatif la an Ayiti te prezan.

Minis edikasyon nasyonal la ki t ap prezide seremoni sa salye efò tout sektè nan peyi a ki te kontribiye nan ede boukle ane akademik 2021-2022 a epi fasilite repriz aktivite lekòl yo pou ane akademik sa k ap rapouswiv kounya.
Minis Nesmy Manigat ki t ap fè yon rale sou repriz aktivite lekòl yo nan peyi an pou ane sa, raple kontèks yo kote gen yon ti gwoup moun ki pa t swete etablisman eskolè yo rekòmanse fonksyone daprè sa li fè konprann.
Yon seri efò titilè MENFP a salye avèk repriz aktivite lekòl yo ki atenn 95% etablisman eskolè ki rekòmanse fonksyone sou tout teritwa nasyonal la nan kad rantre lekòl tipa tipa ministè a te dekrete nan mwa novanm ki sot pase a.
Nan menm okazyon, Premye minis Ariel Henry, nan yon mesaj videyo tou anrejistre, te pataje kèk mo ak asistans lan pou raple enpòtans edikasyon nan peyi an ki se pilye devlopman dirab sosyete an.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.