Militan yo flote yon drapo Larisi devan anbasad Lèzetazini an Ayiti 

Pooshy Rosana
Pooshy Rosana
militan yo flote yon drapo larisi devan anbasad lèzetazini an ayiti 
Écoutez cet article

Nan kad mobilizasyon « Bwa Kale »  yo, militan yo toujou kontinye fè vwa yo pase pou denonse enplikasyon kominote entènasyonal la nan sa k ap fèt nan peyi d Ayiti aktyèlman, sitou ak ensekirite a k ap vale teren. Ayè 17 Oktòb la, plizyè santèn moun te pran lari, nan tèt yo ansyen senatè Nò Moïse Jean Charles pou t al voye yon mesaj klè bay Tonton Sam. 

Si nan yon premye tan manifestan yo te konn pran lari pou rele chalbare dèyè pouvwa anplas la, kidonk rejim Tèt Kale a, ak Lèzetazini k ap sipòte yo, pou kounya, anplis de sa, yo mande pou Larisi pote yo sekou. 

- Advertisement -
Ad imageAd image

Devan anbasad amerikèn ki nan Taba 41, komin Taba, plizyè nan pwotestatè yo te afiche yo avèk drapo Larisi a nan men yo epi mande pou gouvènman ris la ede yo rezoud kriz la pa bò isit an Ayiti, pandan yo t ap mande pou Lèzetazini kite peyi a.  

« Anbasad amerikèn, kite peyi a pou nou […]. Pèp ayisyen, poukisa polisye yo ap sekirize yon anbasad ki pa itil nou yon mèd. Pèp ayisyen poukisa Lèzetazini ap fè nou pase mizè sa yo. Pèp ayisyen poukisa lè yon prezidan eli pou pèp la, Lèzetazini bal koudeta”, se kèk pami divès deklarasyon youn nan manifestasyon yo te lanse aprè peripesi yo te pase pou rive rantre devan anbasad Lèzetazini an an Ayiti. 

Plizyè nan yo te rele viv Larisi ak Vladimir Poutine pandan yo t ap rele chalbare dèyè Lèzetazini. Daprè yo menm « pi gwo pisans nan Amerik la, kidonk Lèzetazini, paka pwoblèm peyi a epi pou l fè pati solisyon an ». 

N ap raple nan menm ayè 17 Oktòb la, se Larisi ak Lachin ki te kanpe an kwa kont yon entèvansyon militè sou bout tè papa Dessalines nan atravè yon rezolisyon Lèzetazini te prezante devan Konsèy sekirite Nasyonzini an, li te jwenn sipò Meksik. Reprezantan ris ak chinwa yo ki te patisipe nan chita pale sila te deklare « entèvansyon yon fòs militè etranje an Ayiti kapab rann kriz la pi grav, epi gouvènman anplas la, anplis li pa lejitim, pa alawotè pou jere sitiyasyon an ». Konsèy la ap gen pou reyini nan jou k ap vini la yo ankò paske jiskaprezan okenn rezolisyon poko vote.  

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.