Nice Simon eli vis prezidan komite ekzekitif majistra rejyon Amerik yo 

Pooshy Rosana
Pooshy Rosana
nice simon eli vis prezidan komite ekzekitif majistra rejyon amerik yo 
Écoutez cet article

Majistra Taba, Nice Simon ki t al reprezante Ayiti, eli 3èm vis prezidan komite ekzekitif majistra rejyon Amerik yo nan okazyon 5èm reyinyon majistra yo pou divès Minisipalite, Vil ak Kominote ki an sante yo. Se Òganizasyon Panamerikèn Sante (OPS) ki te òganize l nan dat 21 pou al bout 22 novanm 2022 a, nan Panama City. 

“Se yon onè pou mwen pou m reprezante Ayiti ak komin mwen Taba nan komite sa a.  Mwen vle repete angajman mwen pou kenbe sante ak anviwònman an nan kè priyorite mwen nan tèt katèl la”,  se reyaksyon Madan Nice Simon suit ak eleksyon l. 

- Advertisement -
Ad imageAd image

Nan fen reyinyon sa yo, majistra yo nan tout rejyon an te rive mete sou pye yon komite egzekitif Mouvman Minisipalite yo, Vil ak Kominote ki an sante yo (MCCS) ak Deklarasyon Panama 2022 a ki konsolide aksyon gouvènman lokal yo pou amelyore sitiyasyon moun yo, sante, byennèt ak ekite tout moun. 

Kèk peyi tankou Ajantin, Bolivi, Brezil, Chili, Kolonbi, Kosta Rika, Kiba, Gwatemala, Giyàn, Ayiti, Ondiras, Meksik, Nikaragwa, Panama, Paragwe ak Irigwe te apwouve Deklarasyon Panama, ki gen pou objektif: « ranfòse gouvènman lokal yo pou yo aji sou detèminan sosyal sante yo nan yon fason entèsektoryèl ak patisipatif, epi pou ranfòse rezo nasyonal minisipalite ki an sante yo nan Rejyon Amerik yo. » 

Majistra Taba a, Nice Simon aka « Majistra Anne » ki reprezante Ayiti, eli 3yèm vis prezidan estrikti sa a, ansanm ak Esteban Martín Piaggio, ki se majistra Gualeguaychú an Ajantin (prezidan) ; Carmen Medel Palma, Majistra Minatitlán nan Meksik (premye Vis Prezidan) ak Fabio Alberto Medrano Reyes, majistra Paipa an Kolonbi (dezyèm vis prezidan). 

N ap raple, Òganizasyon Panamerikèn Sante ap ankouraje mouvman Minisipalite, Vil ak Kominote ki an sante yo depi plis pase 30 lane. Depi 2016, reprezantan gouvènman lokal yo reyini chak ane pou inifye efò yo pou fè pwomosyon sante nan jesyon lokal yo, daprè OPS.  

 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.