Repiblik dominikèn : yon manman ayisyèn kase men pwòp pitit li pandan l ap bat li 

Pooshy Rosana
Pooshy Rosana  - Rédacteur
repiblik dominikèn yon manman ayisyèn kase men pwòp pitit li pandan ap bat li 

Yon manman ayisyen kase men pitit li, yon gason, pandan l ap bat li. Aksyon sila pase an Repiblik dominikèn, men se jounalis Alexander Galvez ki rapòte nouvèl la sou paj Facebook li “Ti Koze Nan Panyol”. Yon ti bout videyo amatè montre men goch ti gason an ki sanble kase. 

“Mezanmi gade sa yon manman haitienne fè prop pitit li ak yon bout bwa nan vil Jarabacoa gade wi na komprann”, se konsa l dekri ensidan. 

- Advertisement -
Ad imageAd image

Nan videyo amatè sila nou kapab wè yon ti gason ak yon mayo ble ak ba blan e wouj epi yon pantalon sire ki bay aparans vèt sou li, ki pye atè, ap sòti anndan yon kay tòl ak men goch li tòde, pandan moun k ap filme sèn nan ap eksprime doulè li santi fas ak sitiyasyon an. 

Avan sa, vwazinay ki te sou plas te tante fè yon entèvansyon pou sove ti pitit la anba firè otè zak la, ki se manman l, malerezman sa pa t rive posib. 

Si aksyon sila fèt 31 Oktòb pase a, jiskaprezan videyo a kontinye ap fè pale anpil sou rezo sosyal yo. Anpil moun mande poukisa moun ki te sou plas pat fè fòs lòd dominiken yo fouke dam nan pou maltretans ak vyolans sou timoun, epi menm depòte l an Ayiti. 

N ap raple daprè UNICEF, 85 pousan timoun ki gen laj 1 a 14 lane sibi kèk fòm vyolans ki gen ladan abi emosyonèl ak pinisyon kòporèl, sa vle di maltretans fizik. Anplis sa 207,000 timoun twouve yo nan sitiyasyon travay domestik ki pa akseptab. Yon chif li tabli sèlman pou peyi d Ayiti. Toutfwa malgre yon seri Ayisyen kapab travèse fwontyè a pou refijye yo nan lòt peyi, sa pa anpeche genyen ladan yo ki toujou ap trete timoun tankou bèt, epi afiche move konpòtman nan zye lòt nasyon. 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.