Nan endistri mizikal ayisyen an, plizyè diyo kite mak yo sou sèn atistik la, pami yo Toby ak Vanessa. Aprè sòti albòm “Migrasyon” yo an, koup sila a ki te deja delivre plizyè mizik ki te fè gwo siksè nan HMI la te disparèt, sa ki te fè fàn yo pa t janm sispann chèche rezon ki pouse vwa “Sa plis ke love” yo separe. Yon rezon Toby resi devwale.
Nan yon entèvyou “Mister vibe sou vibe” lan bay “Max Reports”, rapè a eksplike chak moun te gen priyorite yo, epi yo te deside ansanm swiv wout yo. Jèn rapè a deklare: “M te plis anvi delivre nan Rap”. Pi lwen, li fè konnen: ” Diyo Toby Vanessa a te anpeche m fè Toby “. Yon sitiyasyon ki te prezante pou Vanessa tou, si nou kwè sa rapè a fè konnen an paske Vanessa te gen pwòp pwojè pa l ki se te fè zouk epi jwe ak “Full Band”.
Menm aprè separasyon sa, de atis yo toujou pataje bon rapò piske Toby travay sou pwojè Vanessa yo, epi Vanessa tou sou pa l yo daprè sa entèprèt “M pa ka zanmi fi” a fè konnen nan menm entèvyou sila a.
Facebook Comments