Xavi fache aprè defèt Barcelone nan fas Rayo Vallecano nan Liga

Gabriel Emmanuel
Par Gabriel Emmanuel  - Rédacteur
xavi fache aprè defèt barcelone nan fas rayo vallecano nan liga

Aprè defèt Real Madrid fas Girona (4-2) madi pase a. FC Barcelone, yè mekrèdi a te gen posibilite pou l te pran 14 pwen sou Madrilèn yo, sa ki pa rive fèt, Catalan yo tonbe fas ekip Rayo Vallecano a (2-1). Aprè defèt sa, antrenè a, Xavi Hernandez reyaji pou l montre l pa kontan epi fè jwè li yo konnen, yo poko genyen Liga.

Yon defèt pou Barcelone aprè bèl viktwa li sou Atletico Madrid nan Liga (1-0), ekip Rayo Vallecano kase mete nan men Blaugrana yo epi anpeche yo pase ak 14 pwen sou Real Madrid. Defèt sa pat kite antrenè espanyol la nan silans li, malgre 11 pwen li genyen sou pouswivan li an. Pou 7 jounen ki rete anyen poko di sou tit la, sa ki fè Xavi lanse yon pinga bay jwè l yo.

 » Pwoblèm nan, Liga poko fini. Pou yon ekip pran Liga fòk li merite l. Jodi a tout sa nou merite se yon defèt. Nou te dwe atake sou zèl yo, genyen batay yo, tout bagay sa yo se Rayo Vallecano ki fè yo. Avans nou nan tèt klasman chanpyona paka fè n ap jwè konsa. Rete 21 pwen nou gen 11 devan 2zyèm nan, rete 7 match, sa k ap vini an se lakay nou l ap ye. Nou paka bay vag kounya. Wi m fache paske n te ka genyen match sa. » Deklarasyon antrenè FC Barcelone nan.

Facebook Comments

- Advertisement -
Partagez cet article