Yon Dominiken touye 2 fanm Ayisyèn an Repiblik dominikèn 

Pooshy Rosana
Pooshy Rosana  - Rédacteur
1
Marimel Pol alyas María ak pitit fi li Faviola Pol, se non 2 Ayisyèn lapolis an Repiblik dominikèn jwenn kadav yo anndan yon kay, samdi 14 janvye pase a.
Dam nan ki gen 40 lane ak tout pitit fi l ki genyen 10 lane, jwenn lanmò yo lakay yo (pa gen detay ki bay sou sa), men otè zak la te transfere kadav yo nan yon kay an konstriksyon nan katye Kennedy 2, nan Lès Sendomeng, daprè sa medya lokal yo rapòte.
Swit ak dekouvèt sa, lapolis dominikèn rive mete lapat sou Luis Ricardo Suazo epi akize l kòm prezime otè doub zak la. Pou kounya l ap tann sò lajistis sere pou li. Toutfwa pa gen twòp detay ki bay sou idantite prezime kriminèl la.
N ap raple depi ane pase genyen anpil mezantant ant Ayisyen ak Dominiken nan plizyè rejyon an Repiblik dominikèn. Tou 2 pèp yo abitye viktim anba men lòt, swa nan yon konfli patikilye, elatriye.
Men pi gwo risk la se pou Ayisyen yo ki ap viv kay vwazen, anplis pi fò nan yo ilegal sou teritwa dominiken an, yo ap sibi diskriminasyon ak lòt fòm vyolans nan men kèk Dominiken ki menm konn mennen ak lanmò yo nan yon fason ki trajik anpil.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.