Pou 19yèm jounen nan L1 an, PSG tombe (0-1) fas ekip Rennes nan, jodi diamanch lan. Mbappé-Neymar-Messi pat ka fè anyen pou evite defèt sa. Viktwa ekip Rennes nan relanse champyona epi mete Lens ak 3 pwen ekip PSG a.
Nan Roazhon Park, PSG tombe fas klèb Breton an (0-1), yon gòl ki ta pral vini nan 65yèm mintit yo ak Hamari Traoré. Viktwa sa mete ekip Rennes nan 5yèm plas la nan klasman L1 an. PSG devan Lens ak 3 pwen sèlman.
PSG tonbe yon dezyèm fwa youn deyè lòt pou sezon sa nan yon lòt estad aprè l te finn pran 3-1 nan men Lens. Malgre Mbappé te rantre nan rankont lan anba gwo aplodisman fanatik Rennes yo, sa pat anpeche ekip Breton an korije yo. Ni Messi, Neymar youn pat rive fè anyen pou PSG.
Aprè rankont sa PSG rete nan tèt klasman ak 47 pwen devan Lens, ki gen 44 pwen pou selman 19 jounen. Jwè Galtier yo dwe leve pye yo pou sezon sa paske Lens sanble pap bay bag.
