Yon latriye minit adisyonèl deja jwe nan Mondyal la !

Jephte Pascal
Jephte Pascal
gentan gen 64 minit adisyonèl ki jwe nan mondyal la !
Écoutez cet article
Pou 2 premye jou Koup Di Mond FIFA, Kata 2022 a, gen 4 match foutbòl ki rive jwe. Nan match sila a, gentan gen 64 minit adisyonèl ki jwe. Yon rekò pou ti kal match sa nan konpetisyon an.
Nou ka remake yo bay anpil minit lè arèdje yo rive. Se plis pou rezon match k ap kanpe vire tounen, swa pou koze blesi, swa pou verikasyon avèk VAR la, oubyen pou lòt rezon. Sa koz 4è abit yo pa fè chich menm lè pou yo ekri minit adisyonèl nan tablo a.
Pou jounen 21 Novanm nan, gen 3 match ki jwe : 2 nan Gwoup B a epi youn nan Gwoup A. Sèlman nan jounen sa, gen 47 minit adisyonèl ki jwe. Lè n mete l sou minit adisyonèl ki te gen nan match ouvèti a (Kata 0-2 Ekwatè), gen yon total 64 minit adisyonèl ki jwe pou sèlman 4 match.
Match Angletè ak Iran an pou kont pa l te gen 24 minit siplemantè ladan l. Si n konte byen sa fè 114 minit pou yon match foutbòl. Match Lawoland ak Senegal la (2-0) te gen 10 minit siplemantè epi dènye match jounen, Peyi de Gal ak Etazini te gen 13 minit adisyonèl.

Facebook Comments

- Advertisement -
Partagez cet article
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.