“400 mawozo” un gang essentiellement composé d'adolescents
Share
Police Nationale d’Haïti (PNH) enfòme li mete dòmi nan zye 3 bandi ki fè pati gang 400 Mawozo, k ap opere nan komin Kwadèboukè, nan kòmansman semèn nan.
“Gen 3 bandi ame ki fè pati gang “400 Mawozo” ki blese motèlman ayè lendi 2 janvye a nan Dival, Kwadèboukè nan echanj kout zam avèk lapolis”, se konsa enstitisyon polisyè a bay nouvèl la sou paj Facebook li, ayè madi 3 janvye 2023 a.
Yon lòt kote PNH fè konnen li rive sezi yon fizi daso M-16 nan kad operasyon sila. Gen yon polisye ki sòti blese tou nan echanj kout zam yo ak kriminèl 400 Mawozo yo, se nou aprann.
Pou rapèl, bandi yo nan komin Kwadèboukè, kounye a, kontinye elaji move repitasyon yo toupatou anba pwoteksyon “Bawon laplenn nan” Wilson Joseph alyas Lanmò San Jou. Dènye tan sa yo bandi Kwadèboukè antre nan yon lagè ak lapolis, viktim yo anrejistre nan tou de bò yo, men lapolis la pèdi anpil polisye.
Toutfwa lapolis la di l ap kontinye ranfòse kapasite operasyonèl li epi kontinye mete presyon sou gang ame yo pou demantle yo, sa yo se 2 nan priyorite wo-kòmandman PNH la pou nouvèl ane a.
“Operasyon yo pap kanpe e dispozitif pou asire yon prezans polisyè nan lari a ap kontinye pou prevni oubyen reprime tout menas ki gen pou objektif kreye latroublay oubyen mete dlo nan zye fanmi ayisyèn yo”, PNH la sou Facebook.
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness.
Adore la culture populaire, les documentaires et la musculation.
Leave a Comment