Achiv nasyonal anonse reouvèti Sant resepsyon ak livrezon dokiman idantite yo 

Ravensley Boisrond
Ravensley Boisrond  - Editeur en chef
achiv nasyonal anonse reouvèti sant resepsyon ak livrezon dokiman idantite yo 

Direksyon jeneral Achiv nasyonal Ayiti a anonse, nan yon tan ki pa lwen, Sant k ap resevwa epi livre dokiman idantite yo pral kapab relouvri aprè plizyè nan biwo anèks yo te sakaje pandan peryòd pwotestasyon peyi a te konnen sou dènye mwa yo. 

Direksyon jeneral Achiv nasyonal la prezante eskiz li ak popilasyon an, prensipalman pou kanpe sa sèvis li yo te konnen pandan anviwon de mwa akoz enpak mouvwman pwotestasyon yo te genyen sou plizyè anèks enstitisyon an kote plizyè nan yo te vandalize epi sakaje. 

- Advertisement -
Ad imageAd image

Enstitisyon an anonse l ap travay pou ratrape tout reta yo epi trete dosye k ap soufri yo avan pou relouvri sèvis li yo sou tout teritwa nasyonal la atravè Sant resepsyon ak livrezon dokiman idantite yo apati 5 desanm 2022. 

Direktè jeneral Achiv nasyonal la, Jean Wilfrid Bertrand, remèsye piblik la an jeneral pou konpreyansyon ak koperasyon l, ki daprè li, pèmèt enstitisyon an planifye ak reòganize kèk nan sèvis li yo nan lide pou kenbe epi amelyore kalite sèvis y ap ofri kliyantèl lan. 

 

Facebook Comments

- Advertisement -
Partagez cet article
Ravensley Boisrond
Par Ravensley Boisrond Editeur en chef
Follow:
Journaliste, Amateur de littérature et de la photographie, grand passionné du multimédia