Ajitasyon sosyo politik an Ayiti kraze rèv ak avni timoun yo, daprè UNICEF

Mackendy Filderice
ParMackendy Filderice- Rédacteur
ajitasyon sosyo politik an ayiti kraze rèv ak avni timoun yo, daprè unicef (1)

Nan yon dènye rapò, UNICEF fè remake ajitasyon sosyo-politik ki pèsistan an Ayiti yo gen yon enpak devastatè sou lavi timoun yo, kraze rèv yo epi mete avni yo an danje.

Ayiti ap fè fas ak anpil kriz politik, ekonomik ak sosyal depi plizyè lane, sa ki lakòz enstabilite toupatou ak manifestasyon souvan. Timoun yo patikilyèman vilnerab nan sitiyasyon sa yo, e UNICEF te souliye kokennchenn konsekans sitiyasyon sa yo sou byennèt timoun yo nan peyi a.

Unicef fè remake ajitasyon sosyo-politik yo nan peyi a deranje aksè nan edikasyon pou anpil timoun an Ayiti. Lekòl yo te fèmen plizyè fwa akoz eklatman ak manifestasyon, prive timoun yo dwa fondamantal yo nan edikasyon. Menm lè lekòl yo louvri, anpil elèv paka ale akoz ensekirite nan lari yo.

Se nan lide sa, UNICEF fè konnen y ap travay ak Ministè Edikasyon Naysonal ak Fòmasyon Pwofesyonèl nan lide pou amelyore aksè ak edikasyon enklizif ak bon kalite aprantisaj pou tout timoun anndan sosyete ayisyèn lan.

Yon lòt bò, UNICEF di y ap kolabore ansanm ak World Food Programme ak OIM-UN Migration pou sipòte plizyè milye timoun ak fanmi ki afekte nan inondasyon devastatè an Ayiti yo. Daprè Unicef, sipò sa yo ap itil pou sove lavi ijan. Mete sou sa, y ap distribye twous ijans 2K pou abòde bezwen imedya yo.

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.