Direksyon Imigrasyon ak Emigrasyon (DIE) fè konnen apati lendi 19 dawout 2024, li ap sispann pwodiksyon nouvo paspò pou yon ti tan. Desizyon sa a pran akoz anpil dosye paspò ki bloke nan sistèm nan, ki bezwen plis atansyon pou rezoud.
Dapre otorite yo, kanpe pwodiksyon paspò a ap pèmèt yo bay plis fòs ak mwayen pou mete deyò plis pase dimil san senkant kat (10,154) paspò ki deja nan sistèm nan, men ki poko rive nan men moun yo. Desizyon sa a tonbe nan kad vizyon DIE ki vle chak grenn paspò trete epi delivre nan tan ki pa twò long.
Yon lòt bò, DIE mande popilasyon an ak tout enstitisyon ki abitye kolabore ak li pou konprann desizyon sa a, ki vize amelyore kalite sèvis la nan jou kap vini yo. Otorite yo rekòmande tout moun ki te deja soumèt demann paspò pou fè yon ti pasyans, paske tan an ka pran yon ti ralonj.
Finalman, DIE fè konnen li mete yon ekip espesyal pou fini tout dosye ki an reta yo, e lap toujou enfòme popilasyon an sou kijan travay yo ap avanse.
