Ant 400 ak 500 travayè mouri pandan preparasyon mondyal la nan peyi Kata 

Pooshy Rosana
Pooshy Rosana  - Rédacteur
Photo : AdobeStock

Alòske 22yèm edisyon Koup di mond lan ap dewoule nan peyi Kata, nan Mwayen Oryan, genyen plizyè gwo revelasyon ki fèt sou siksè reyalizasyon sila, pami yo kantite moun ki mouri sou chantye travay yo pou rann posib pi gwo chanpyona mondyal foutbòl ekip nasyonal maskilen yo. 

Hassan al-Thawadi, sekretè jeneral komite òganizasyon mondyal la nan peyi Kata, revele genyen ant 400 ak 500 travayè ki pèdi lavi yo sou chantye pandan konstriksyon divès enfrastrikti pou te resevwa evenman sila lakay yo, pami yo estad. 

- Advertisement -
Ad imageAd image

Yon chif pi wo pase sa Doha te bay oparavan. Al-Thawadi te bay detay sou sa sanzatann. 

« Estimasyon an se 400. Ant 400 ak 500, m pa gen chif ekzat yo », se sa l te deklare bay TalkTV. 

Direktè Komite siprèm nan, ki an chaj òganizasyon Koup di mond 2022 a, t ap reponn kesyon jounalis britanik Piers Morgan. Nouvo chif li bay yo san lè reprezante yon risk pou peyi azyatik la nan zafè dwa moun. 

N ap raple, kesyon konbyen vi moun òganizasyon Koup di mond sa koute se yon gwo chay pou ti peyi sila, sitou depi lè kotidyen Guardians te rapòte nan lane 2021 genyen 6 mil 750 moun ki te mouri nan mitan travayè migran yo nan Kata depi 2010. Malgre sa yo pat bay yon repons klè. 

Se te 2 desanm 2010. Prezidan FIFA a, Sepp Blatter, te kenbe nan men l devan kamera a yon ti papye ki te ekri “Qatar”.  

Se premye fwa yon peyi ki piti anpil te fèk jwenn dwa pou òganize pi gwo evènman espòtif sila lakay li, koup di mond foutbòl la.  Depi lè sa a, douz ane pase ak anpil konfli.  

Pou te prepare koup di mond lan ak mete kanpe plizyè sit konstriksyon tankou estad, metwo, pou n site sa yo sèlman, Kata te anplwaye plizyè milye travayè imigran nan kondisyon terib. Se moun sila yo ki ede konstwi estad yo ki koute 200 milya dola, malgre sa gen anpil nan travayè yo ki poko janm ka touche jiskaprezan.  

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.