Arete ki nonmen Ariel Henry minis Enteryè ak Emmelie Prophète minis Jistis la pibliye 

Pooshy Rosana
Pooshy Rosana  - Rédacteur
arete ki nonmen ariel henry minis enteryè ak emmelie prophète minis jistis la pibliye 

Premye minis Ariel Henry mete yon fren nan tout rimè, suit ak piblikasyon nan jounal ofisyèl Repiblik la “Le Moniteur”, nouvo chapo li pote nan gouvènman Tèt Kale twazyèm vèsyon an. Aprè revokasyon 2 minis nan gouvènman li an, kounya se li menm ak Emmelie Prophète Milcé ki konble plas vid yo. 

Wi, nan yon arete nan dat vandredi 11 Novanm 2022 a sitwayen Ariel Henry nonmen tèt li Minis Enteryè ak Kolektivite Teritoryal yo. Epi Madam Emmelie Prophète Milcé nonmen pa enterim nan tèt Ministè Jistis ak Sekirite Piblik la. 

- Advertisement -
Ad imageAd image

Mesye Ariel Henry te okipe pòs sila deja nan lane 2015 sou prezidans Michel Joseph Martelly a.  

Respektivman, yo ranplase nan pòs sila yo, daprè arete espesyal #31 an, ansyen titilè MICT a enjenyè Listz Quitel, ak ansyen minis MJSP a Berto Dorcé. Revokasyon 2 nonm sila yo fèt suit ak yon konsèy minis ki te òganize nan jou ki te vandredi 11 novanm pase a, kote yo te li epi apwouve lèt demisyon yo. 

N ap raple, ansyen Minis Enteryè Listz Quitel ak konpè li Mèt Berto Dorcé ki te nan Jistis la, pèdi djòb yo aprè Lèzetazini te fin koupe viza yo, patikilyèman Mèt Dorcé ki pa t kapab vwayaje Ozetazini pandan mwa Oktòb la. 

Jiskaprezan Lèzetazini pa rapòte rezon ki chita dèyè desizyon sila yo kont 2 gwo ofisyèl ayisyen, toutfwa nan raple Chaje dafè ameriken Eric Stromayer te deklare se gouvènman ayisyen an ki te pou sanksyone minis li koupe viza yo a. Sanble mezi sa ekzekite san pran tan. Sann pa kite dèyè ka Lambert ak Youri Latortue a. 

Pi douvan, n ap ajoute nan menm arete sila ki nonmen nouvo fonksyonè yo, lokatè Primati a nonmen jij Jean Joseph Lebrun kòm prezidan Lakou Kasasyon, nan lide pou vin pote yon solisyon ak pwoblèm Konsèy Siperyè Pouvwa Jidisyè a (CSPJ) ak konfwonte depi plis pase 2 mwa. 

 

 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.