Moise Jean Charles, lidè Pitit Desalin nan, nan yon mesaj li pibliye sou kont Twitter li, rejte rezolisyon ki te adopte nan Konsèy Minis sou kesyon fòs sekirite entènasyonal an Ayiti a, ansyen sènatè a deklare rezolisyon sa a nil ‚ li pa konsène pèp Ayisyen an.
Nan sans sa, Lidè Pitit Desalin nan di, Premye minis defakto a, Ariel Henry ak tout minis li yo pa gen ni otorite ni lejitimite pou angaje peyi a. Se sak fè, Moise Jean Charles di dokiman sa Chèf Gouvènman ak tout minis li yo siyen an pa konsène pèp Ayisyen an.
« Nou deklare dokiman sa a nil e li pa konsène pèp Ayisyen », di orijinè Milo a.
Gouvènman Ariel Henry a fè konnen pou eseye pote lapè epi fè peyi a soti nan grif gang ame yo, Minis yo, nan Konsèy Minis yo, adopte yon rezolisyon pibliye nan Monitè vandredi 7 òktob la, ki otorize Premye Minis Ariel Henry pou mande asistans militè nan men kominote entènasyonal la.
Facebook Comments