NETALKOLE

Ayiti-Aktyalite: Otorite yo prezante bilan operasyon yo mennen nan kad asasina prezidan Jovenel Moïse

Direktè jeneral lapolis la, Léon Charles ak tout premye minis pou yon ti bout tan Claude Joseph, te akonpaye de kèk manm nan gouvènman an ak DCPJ pou yo te prezante bilan operasyon yo lanse aprè asasina prezidan Jovenel Moïse la Pou rive trake moun Ki enplike nan dosye sila.

Nan konferans sila, DG PNH la fè konnen, yo arete 19 moun Ki enplike nan Sak sila e popilasyon an te kolabore avèk yo tou, pou te rive ak rezilta sa. Pami 19 moun sila yo, gen 2 nan yo ki se ayisyen ameriken e rès yo sè kolonbyen toujou selon DG Léon Charles, yon lòt kote li fè konnen genyen 4 pami endividi kite enplike nan gwo zak sila Ki tonbe anba bal lapolis nan pandan yo t ap eseye reziste e genyen 8 nan jou jiskaprezan lapolis ap chache Tankou chen fou.

Claude Joseph fè konnen tout bagay sou kontwòl jiskaprezan, gouvènman an nan tèt kole ak lapolis ap travay pou jwenn mete anba kòd tout moun kite enplike jan dosye sila e Pou lajistis rann ak prezidan Jovenel Moïse.

Advertisements

N ap raple , prezidan Jovenel Moïse se 58è prezidan ki rive nan tèt pouvwa akoz eleksyon, li te asasinen nan lannwit soti 6 pou rive 7 jiyè 2021, premye minis pou yon ti bout tan an, Claude Joseph anonse nan yon konferans pou laprès nan mitan jounen an, pèp la kapab repran tout aktivite yo apati demen 9 jiyè a.

Steven Aristil
steven@netalkolemedia.com

Facebook Comments