Ayiti-Edikasyon : Ministè a ap travay sou yon lòt pase men nan kalandriye lekòl la

Jacky Chery
Jacky Chery  - Rédacteur
Ayiti-Edikasyon : Ministè a ap travay sou yon lòt pase men nan kalandriye lekòl la
Nan kad jounen mondyal timoun yo, dimanch 20 novanm, Ministè edikasyon nasyonal ak fòmasyon pwofesyonèl envite tout aktè yo pou kontinye mobilize e aji pou garanti dwa pou timoun yo al lekòl kèlkeswa sikonstans lan.
Nan okazyon sa, Ministè a anonse yon lòt pase nan kalandriye eskolè pou ane akanemik 2022-2023 an fonksyon tout pwoblematik peyi a konnen sou dènye mwa yo. MENFP ankouraje prensipal konsène yo pou angaje yo nan aksyon y ap poze pou akonpanye timoun yo repran chimen lekòl.
Ministè edikasyon nasyonal denonse divès atak ki te fèt pandan dènye mouvman pwotestasyon yo kote batiman lekòl yo te youn nan prensipal sib pwotestatè yo.
Pou MENFP, sosyete a ta dwe akonpanye timoun yo pou ede yo pran chimen lekòl ki se sèl e pi bon mwayen pou yo konstwi lavni yo ak reyisi vi yo.
Edikasyon se pi bon zouti pou devlopman timoun yo ak peyi a, daprè Ministè edikasyon nasyonal ki pwofite pou mande tout aktè yo sere koud yo nan gran konba sa pou pwoteje timoun yo epi akonpanye yo pou rantre lekòl la.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.