Bandi ak zam nan zòn Bon Repo, nan komin Kwadèboukè antre epi kidnape yon sitwayen byen bonè dimanch 18 jen 2023 a andedan lokal lekòl Jacques Stephen Alexis an.
Daprè plizyè temwen li te nan lè 8è nan maten , lè plizyè endividi ak gwo zam fann fwa te antre nan espas la, yo ta fòse plizyè jèn ki t ap jwe foutbòl kouche plat atè sou vant, epi ale ak viktim yo an . Pou kounya redaksyon an poko an mezi idantifye viktim lan.
Yon nouvo ka kidnapin ki montre nivo kran bandi yo ak non respè kèk espas . Nou ta dwe remake tou, depi lanse mouvman “Bwa kale” a, ka kidnapin yo te kòmanse diminye anpil nan rejyon metwopolitèn Pòtoprens lan. Alòske, nan kèk katye ki genyen gang k ap teyorize ladan yo chak jou, job sal sa a sanble ap reprann tipa tipa.
Facebook Comments