Brigthon retire tout espwa Arsenal pou tit Premier League la

Gabriel Emmanuel
Par Gabriel Emmanuel  - Rédacteur
brigthon retire tout espwa arsenal pou tit premier league la
Jodi dimanch lan, nan kad 36èm jounen Premier League la, Brigthon kase mete nan men Arsenal (3-0) nan Emirates Staduin lan. Yon defèt ki retire tout espwa Gunners yo pou batay yo ak Manchester City pou tit la sezon sa. Poutan Citizens yo te gentan konsolide premye plas la aprè viktwa yo sou Everton (3-0). 
Arsenal tonbe fò nan Emirates Staduin lan fas Seagulls yo (0-3) ki 6èm nan klasman an, yon ekip k ap batay pou yon plas League Europa sezon k ap vini. Arsenal ki te gen tèt klasman an pendan yon bon pati nan sezon an, pa rive kenbe rit sa sou dènye match yo kote Gunners yo pèdi anpil epi anrejistre yon pakèt match nil, sa ki bay gwo avantaj ak Sky Blues yo.
Malgre anpil tantativ, jwè Arteta yo pa t rive jwenn chemen filè a. Advèsè a te parèt pi reyalis nan match la. Nan 51èm minit, Julio Enciso te ouvè mak la sou yon kout tèt. Gunners yo ki t ap pouse, pa t ka egalize. Daniz Undav ta pral siprann yo ak yon lòb nan 85èm minit nan jwèt la, epi Estupinan ta pral fin fè travay la nan tan adisyonè l yo (3-0). Arsenal pèdi devan piblik li yon match enpòtan.
Yon pwen enpòtan pou n soulinye, Arsenal pèdi tit la depi rakle li te pran nan men Manchester City (4-1) an. Yon bagay ki sèten, ekip la ap retounen nan Lig dè Chanpyon an sezon kapab vini. Manchester City bezwen yon sèl viktwa pou li sakre chanpyon Angletè.

Facebook Comments

- Advertisement -
TAGGED: ,
Partagez cet article