Bruce Wensley Lee Joseph, yon jen espòtif bandi touye epi boule nan Site Solèy

Pooshy Rosana
Pooshy Rosana  - Rédacteur
bruce wensley lee joseph, yon jen espòtif bandi touye epi boule nan site solèy
Krim yo ap suiv chimen yo kè pòpòz anndan komin Site Solèy, kote bandi ak zam kontinye ap simaye latwoublay chak jou pi plis. Nan kòmansman mwa desanm nan, yon jenn gason 19 lane jwenn lanmò nan Baryè Fè.
Bruce Wensley Lee Joseph, se non yon jenn jwè baskèt 19 lane bandi asasinen ak bal nan Baryè Fè, yon katye anndan Site Solèy, aprè sa yo mete dife sou kadav li, se sa nou aprann. Jiskaprezan rezon lanmò li pa defini.
Krim sila malfektè yo komèt 1ye desanm pase a fè yon lòt viktim. Brunel Michel, ki se zanmi Bruce, resevwa menm santans lan tou anba zam kriminèl yo jis paske l te akonpaye l nan moman zak la t ap komèt la.
Bruce Wensley Lee Joseph, se you jenn gason ki te chaje potansyèl nan zafè baskètbòl nan komin kote l te grandi a, malerezman bandi k ap kòmande la deside mete fen ak vi li avan lè, epi nan yon fason ki trajik, alòske l te gen anpil avni nan disiplin sila ki se baskètbòl.
Youn nan responsab Baskètbòl Pou Ankadre Lajenès yo prezante viktim nan tankou « yon jenn gason ki gen anpil foug, ki respekte moun, ki onèt, serye, elatriye ».
N ap raple Bruce Wensley Lee Joseph pa premye moun ki pati pou peyi san chapo nan kondisyon sa yo. Genyen lòt jenn fanm ak jenn gason ki peri konsa anndan komin Site Solèy pami yo plizyè jounalis ak polisye, sann pa kite dèyè sak pèdi vi yo akòz bal mawon bandi k ap toke kout zam tout la sent jounen.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.