Yon Ayisyen 41 lane ansent yon ti fi 13 lane, sou pretèks se vodou ki lakòz

Mackendy Filderice
Mackendy Filderice  - Rédacteur
yon ayisyen 41 lane ansent yon ti fi 13 lane, sou pretèks se vodou ki lakòz

Jean Innocent yon nèg ki gen orijin Ayisyen nan West Palm Beach, vyole epi ansent yon timoun 13 lane. Daprè otorite yo, Ayisyen 41 lane a pa demanti akizasyon an epi li ta fè kwè se koze vodou ki pouse l fè aksyon sila a. 

Nan yon entèvyou ak Jean Innocent, li te di li kwè se vodou ki te pouse l vyole ti fi a, daprè yon rapò arestasyon envestigatè lapolis nan West Palm Beach, nan Florida.

- Advertisement -
Ad imageAd image

Nan moman, Innocent nan prizon Palm Beach County, li gen plizyè gwo akizasyon sou tèt li tankou, akizasyon ensès, akizasyon fekondasyon yon timoun ak 2 akizasyon agresyon seksyèl sou yon timoun ki nan swen adoptif oswa nan gad. Kosyon Jean Innocent se 28,000 dola ameriken.

Jou ki te 19 desanm 2022 a, ti fi a te ale nan Sant Medikal St Mary’s, dapre sa li di, li te gen doulè nan vant. Rapò arestasyon an di se lè sa a anplwaye nan Lopital St. Mary’s pral dekouvri se paske viktim nan ansent apeprè sis semèn ki fè li santi doulè sa yo.

Dapre sa ti lèzany 13 lane a fè konnen, Jean Innocent te kòmanse fè abi seksyèl sou li pandan ete ki sot pase a, li te di tou dènye fwa Jean Innocent te abize l se nan mwa novanm lan.

Pandan yon apèl ant ti fi a ak Innocent, lapolis te anrejistre, rapò a detaye ti fi a te dekri Innocent kòman li te vomi epi li te di Innocent lopital la pral fè yon tès gwosès pou li. Innocent te di li, pou li di non li pap fè tès la.

Alòske, yon ti tan apre Akize a deklare, « mwen panse se pre ejakilayson m ki ansent ti fi a. » Pandan li fè konnen se vodou ki lakòz li vyole ti fi a pandan 2 fwa, nan mwa septanm ak nan mwa novanm 2022 a.

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.