CARDH mande pou rejim sanksyon Nasyonzini yo ale pi Iwen pase kriz imanite a

Mackendy Filderice
Mackendy Filderice
cardh mande pou rejim sanksyon nasyonzini yo ale pi iwen pase kriz imanite a
Écoutez cet article
Sant pou analiz ak rechèch sou dwa moun (CARDH), nan yon rapò ki te pibliye 21 novanm, mande pou rejim sanksyon yo te prevwa nan rezolisyon 2653 Nasyonzini epi aplike pa Etazini ak Kanada an patikilye ka ale pi lwen pase kriz imanitè a epi fè pati dinamik règ lalwa ak bon gouvènans.
CARDH fè konnen kriz imanitè ann Ayiti k ap sèvi kòm motif pou adopsyon rejim sanksyon yo se rezilta gang yo ki pran peyi a an otaj, men sitou yon trangle kriminèl sou gouvènans politik ak ekonomik peyi a.
Se sak fè, Sant pou analiz ak rechèch sou dwa moun (CARDH), nan yon rapò ki gen 27 paj li pibliye  ayè Lendi 21 novanm 2022 a, di  sanksyon yo dwe fè pati ranfòsman eta de lalwa ak demokrasi tout pandan li fè kwè dimansyon rejim sanksyon yo dwe vize netwaye gouvènans ak finans piblik ak sistèm elektoral la, batay kont koripsyon, patikilyèman trase fon kòb Petwo Karayib a elatriye.
Mete sou sa, Òganizasyon an ensiste tou pou jistis ak politik Ameriken ak Kanadyen pa ta dwe ranplase jistis ayisyen an.  Epitou, li kwè rejim sanksyon sa yo dwe fè pati yon lojik konplemantè e yo dwe respekte lalwa entènasyonal.
Konsènan moun ki vize pa mezi sa yo, CARDH fè konnen yo pa ta dwe suiv yon lojik  pwa doub.  Li fè konnen lidè gang yo se pa vrè « mèt » krim ann Ayiti.  “Yo (lidè gang yo) se jis enstriman.  « Mèt yo se nan esfè prive a (kèk ladan yo gen nasyonalitevAmeriken, Kanadyen, franse, elatriye), nan politik, nan krim rejyonal transnasyonal, « di CARDH.
Depi nan kòmansman mwa oktòb la adopsyon rezolisyon sa a ki defann enpoze sanksyon kont gang ak finansyè yo ann Ayiti, Lèzetazini ak Kanada pran mezi pou yo adopte sanksyon yon douzèn moun politik ak chèf gang ann Ayiti.

Facebook Comments

- Advertisement -
Partagez cet article
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.