Manm aktif gwoup gang Vilaj de Dye yo kontinye konte kadav nan klan yo. Chèf bandi Matisan 2B a, Peter alyas Ti Izo, youn nan dirijan gang « 5 Segond » yo, pase anba woulo PNH la.
Lidè gang tèrib sa a, daprè enfòmasyon yo, se ta youn nan gwo kriminèl rantre sid kapital la te rekonèt. Ti Izo t ap dirije blòk Matisan 2B. Toujou daprè enfòmasyon yo, plizyè manm aktif nan gwoup li a ta mouri nan echanj kout zam ak ajan Polis Nasyonal Dayiti yo.
Yon lòt bò, toujou nan kad operasyon sila a, DGPNH la, Frantz ELBÉ, te fè yon kout pat nan Soukomisarya Pòtay Leyogàn lan nan kad yon vizit wo kòmandman lapolis la te fè.
Facebook Comments