Cristiano Ronaldo vini premye jwè ki fè gòl nan 5 Mondyal

Jephte Pascal
Jephte Pascal
cristiano ronaldo vini premye jwè ki fè gòl nan 5 mondyal
Écoutez cet article
Nan match Pòtigal ak Gana a, se Cristiano Ronaldo ki te debloke match la sou penal. Ak gòl sa a, nonm ki 5 fwa Balon dò a vini premye jwè ki fè gòl nan 5 edisyon Mondyal la.
Sa potko janm fèt nan tout istwa Mondyal la pou yon jwè fè gòl nan 5 edisyon. Avèk gòl Cristiano Ronaldo fè anfas Gana a, li se premye moun ki fè sa. Ronaldo te louvri eskò a pou Pòtigè yo nan dezyèm mitan match la.
Malgre penal la gen anpil diskisyon sou li, CR7 pa t pran priyè e l te konvèti penal la malgre gadyen Gana a te fè tout sa l konnen pou l kenbe l. Se uityèm gòl Ronaldo make pou 18 match li jwe lè n konte tout Mondyal li patisipe yo.
Cristiano te jwe premye Mondyal li nan lane 2006 nan peyi Almay. Pòtigal te fini katriyèm nan konpetisyon an e Ronaldo te fè yon gòl. An 2010, yo elimine depi nan uityèm final e yon lòt fwa ankò anyen jwè Real Madrid la te enskri ton grenn gòl.
Pou Mondyal 2014 la, Pòtigal pa t menm pase premye you. Cristiano te fè yon gòl nan dènye match gwoup la. Se nan Mondyal 2018 la CR7 te pi pèfòman kote l te fè 4 gòl pami yo yon triple devan Espay nan premye match la.

Facebook Comments

- Advertisement -
Partagez cet article
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.