D-Singer lanse yon apèl pou gen inyon nan sosyete an

Jacky Chery
Jacky Chery  - Rédacteur
d singer lanse yon apèl pou gen inyon nan sosyete an
Envite pou patisipe nan pwogram anivèsè Kreyòl La ak Tony Mix ki t ap dewoule nan El Rancho vandredi 23 desanm 2022 an, D-Singer lanse yon apèl a inite nan sosyete a pou lavi kapab reprann nan peyi an.
Nan yon entèvyou tou kout li bay ak ajans près Netalkole Media, atis la lanse apèl sa ak tout kouch nan sosyete an pou ini yo nan lide pou retire Ayiti nan twou li ye jounen jodia paske popilasyon an bezwen viv.
D-Singer ki se youn nan chantè nouvèl jenerasyon mizik la an Ayiti, pa kache santiman l sou sitiyasyon peyi a ap konnen dènye tan sa yo kote ensekirite an pa sispann vale tèren ak chak katye ki jounen jodia okipe ak yon gwoup ame.
Jèn atis la ki pa t vle site non pyès pèsonalite ou gwoup ki responsab ensekirite an nan peyi an te souliye deplasman plizyè santèn fanatik ki te debake El Rancho nan pwogram sa pou vin retire estrès yo. Yon jès ki montre anvi viv ki genyen lakay popilasyon an.
Sou kesyon pwojè li genyen pou ane 2023 a, D-Singer anonse li gen mizik k ap sòti pou ane k ap vini an avan albòm li ki se youn nan pwojè li genyen pou ane k ap vini yo san li pa fikse okenn dat sou sòti pwojè sa yo.
D Singer te fe yon ti pale ak nou nan Okazyon fet TonyMix ak Kreyol La nan El Rancho
play-sharp-fill

D Singer te fe yon ti pale ak nou nan Okazyon fet TonyMix ak Kreyol La nan El Rancho

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.