Yon sipotè brezilyen rale zòrèy Tite pendan l ap mache nan vil Rio de Janeiro

Gabriel Emmanuel
Gabriel Emmanuel  - Rédacteur
yon sipotè brezilyen rale zòrèy tite pendan l ap mache nan vil rio de janeiro

Depi lè Brezil finn elimine nan mondyal la fas ekip Kwoasi a, anpil fanatik Brezil ak anpil analis fè konnen Tite se premye moun ki fè ekip la kite konpetisyon an. Yon eliminasyon ki te fè federasyon foutbòl nan peyi Brezil te tou revoke Tite san kontra l pat fini. Jodi samedi a,  yon fanatik rale zòrèy ansyen seleksyonè Selesawo a nan vil Rio de Janeiro.

Tite ki pèdi job li aprè Brezil te finn elimine nan Mondyal 2022 a.  Ansyen seleksyonè Selesawo a te deside rantre nan peyi l menn jann ak tout sitwayen oubyen jwè ki te enplike yo nan zafè mondyal ane sa. Men bagay la pat dous pou Tite paske yon sipotè brezilyen rale zòrèy li epi pran kèk bagay li pendan li tap fè yon ti mache.

- Advertisement -
Ad imageAd image

Daprè UOL ki se yon medya nan peyi Brezil, sipotè a ta pran kèk bagay Tite epi rale zòrèy li, pou l fè l konprann se li menn ki lakòz Brezil elimine bonè konsa fas ekip Kwoasi  nan mondyal la.

Pou kounya ekip Brezil la san antrenè, anpil demach ap fèt pou konn kiyès ki ka vini ranplase Tite, pendan anpil Brezilyen pa dakò pou se yon etranje ki pran tèt seleksyon an.

Facebook Comments

- Advertisement -
Partagez cet article