Daniele Orsato pral dirije premye match nan Mondyal la 

Jephte Pascal
Jephte Pascal
daniele orsato pral dirije premye match nan mondyal la
Écoutez cet article

Daniele Orsato se abit Italyen sa ki pral bay koute siflèt pou match ouvèti Koup Di Mond lan k ap opoze peyi k ap òganize l la, Kata ak peyi Ekwatè. Itali reprezante nan Mondyal la menm si l pa kalifye. 

Koup Di Mond lan ap demare dimanch sila a, a 11è nan maten kote Kata pral resevwa Ekwatè pou match ouvèti a nan stad Al Bayt la ki chita kò l nan vil Al Khor. Ayè 18 Novanm nan, FIFA chwazi Daniele Orsato kòm abit ki pral dirije match foutbòl istorik sa.  

- Advertisement -
Ad imageAd image

Abit tranzalpen sa gen 46 lane sou tèt li (47 nan kèk jou). Se yon abit ki chaje eksperyans pou dayè se li ki te dirije final Champions League la nan lane 2020, lè Bayern te ranpòte tit la anfas PSG (1-0) nan peyi Pòtigal. Ane sa, li te dirije yon match ki te opoze PSG ak Real Madrid. 

Daniele Orsato ap reprezante peyi Itali ki pral rate dezyèm Koup Di Mond li youn kole ak lòt. Se premye fwa Orsato pral ofisye antanke abit santral yon match Koup Di Mond, poutan li te Oran VAR la an chaj nan Mondyal ki te pase a nan kadefinal ant Kwowasi ak Dànmak la. 

FIFA te gen nan tèt li pou l chwazi ant li menm, Mateu Lahoz ak Stéphanie Frappart pou bay kòmand match ouvèti sa. Se finalman Italyen an li chwazi. Pou moman an, yo poko bay kiyès ki pral asiste l pou rankont foutbòl sila a. 

Facebook Comments

- Advertisement -
Partagez cet article
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.