Premye match nan Gwoup D Koup Di Mond FIFA, Kata 2022 a jwe jodi a. Dànmak ak Tinizi pa rive depataje yo nan match sila a. Se premye match ki pa gen gòl menm nan Mondyal sa.
Koup Di Mond 2022 a konnen dezyèm match nil li, jounen 22 Novanm nan. Dànmak t ap kwaze ap Tinizi pou yo lanse Gwoup D a ki ladan l you Lafrans ak Ostrali. 2 ekip yo pa rive fè filè yo tranble pandan match foutbòl sa, e se premye match ki fini konsa nan Mondyal la.
Dànmak te prezante l ak tout pyès li yo. Nou te gen chans rewè Christian Eriksen nan yon gwo tounwa entènasyonal aprè malèz li te genyen nan Euro 2020 an ki te retire l sou pelouse yo pou yon bon bout tan.
Ekip Tinizi a te livre yon bèl pèfòmans, yo te livre jwèt egal ak Danwa yo. Yo te montre navi pou yo pran 3 pwen match la. Nan dezyèm mitan an, Dànmak pase pwòch gòl ouvèti eskò a men malgre aksyon an te klè, Christensen pa t rive met balon an nan filè a.
Dànmak panse l ta pral jwenn yon penalite nan tan adisyonèl match la. Men VAR pa t jije bon pou l akòde penalite sa ak konpatriyòt Højbjerg yo. De ekip yo pataje pwen yo pou dyèl ant Lafrik ak Ewòp sa.
