8 moun pou pi piti mouri nan peyi Kolonbi aprè yon ti avyon pèdi vòl li epi al kraze nan yon katye rezidansyèl ki rele Medellín.
Avyon an, ki se yon avyon lejè Piper imatrikile HK5121, t ap fè yon vòl pou konpayi touristik San Germán. Li te dekole nan ayewopò Olaya Herrera ki chita nan mitan Medellín, kote dram nan rive a. Omwen 7 kay andomaje.
« Malerezman, nou gen uit moun ki mouri. Se te yon vòl ki rive fè aksidan bò 10:15 nan maten nan katye Belén Rosales, tou pre ayewopò an, » se sa majistra Medellín la, Daniel Quintero, te di repòtè yo.
Quintero revele kadav uit manb ekipaj avyon an, ki te « divize an sis pati » aprè enpak la, deja idantifye.
Pandan se tan, Kolonbyen Sivil Aeronautics (Aerocivil) rapòte genyen yon ekip ekspè nan Direksyon Teknik Envestigasyon Aksidan an ki pral mennen bon jan ankèt sou kòz aksidan an.
Ayewopò Olaya Herrera rapòte pa bò kote pa li pami moun ki mouri yo genyen direktè San Germán nan, Nicolás Jiménez, ak pilot la.
Facebook Comments