Dany Laferrière denonse presipitason Kanada sou dosye Ayiti a 

Pooshy Rosana
Pooshy Rosana  - Rédacteur
dany laferrière denonse presipitason kanada sou dosye ayiti a 

Dany Laferrière deklare Kanada ale twò vit nan sanksyon li pran kont plizyè pèsonalite ayisyen ki enplike nan move zafè an Ayiti yo, epi estime gouvènman kanadyen an te dwe montre responsab yo koupab avan li sanksyone yo. 

Nan yon antrevi li bay jounalis kebekwa Stéphan Bureau, ekriven an ki te nan “Salon du Livre” nan Monreyal, deklare premye minis kanadyen an Justin Trudeau ta chwazi bay plizyè chèf d Eta sanksyon san l pa demontre kilpabilite yo nan sa yo akize yo a. Patikilyèman, li te pran ka pa ansyen prezidan Tèt Kale Michel Joseph Martelly, kòm ekzanp. 

- Advertisement -
Ad imageAd image

Ekriven an te mande, « kesyon Prezidan Repiblik la se toujou: èske se prezidan an oswa prezidans lan », pandan l te espesifye sa ki kenbe yon peyi ini se senbolis, « si se pa li se yon kote ki gen moun, » li te kontinye.  

N ap raple, aprè plizyè rankont sou dosye Ayiti a, Kanada (ansanm ak Lèzetazini) te pran inisyativ pou aplike sanksyon kont plizyè moun nan peyi d Ayiti ki gen men yo tranpe nan sitiyasyon peyi a k ap deteryore. 

Nan vwa premye minis li Justin Trudeau, Kanada te eksprime volonte ak dezi li genyen pou rete kanpe pa bò kote pèp ayisyen an. Nan yon mesaj li pibliye sou kont Twitter li, M. Trudeau te fè konnen gen divès chita pale ki te fèt sou sitiyasyon peyi a aktyèlman. 

Pou pote yon repons ak kriz la ki vin pi konplèks sou teritwa a, premye minis kanadyen an te anonse èd imanitè ki estime ak 16,5 milyon dola pou popilasyon ayisyèn nan, ak sanksyon siplemantè kont moun ki gen men tranpe nan koripsyon ak zak vyolans pa bò isit. 

Premye minis Trudeau te fè deklarasyon sila yo, pami plizyè lòt, pandan yon reyinyon sou Ayiti ki te dewoule nan okazyon dènye jounen Somè Frankofoni a, nan peyi Tinizi. 

Se te okazyon pou l te anonse Kanada etann sanksyon l yo kont ansyen prezidan Tèt Kale Michel Joseph Martelly, epi kont premye minis Laurent Lamothe ak Jean-Henry Céant. 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.