Depòtasyon an mas Ayisyen yo an Repiblik Dominikèn pa kanpe

Jacky Chery
Jacky Chery  - Rédacteur
depòtasyon an mas ayisyen yo an repiblik dominikèn pa kanpe
Ane 2023 a demare menm jan ak sa ki sot pase a pou ayisyen yo an Repiblik Dominikèn imigrasyon pa sispann depòte. Sòti 2 pou rive 15 janvye, gen anviwon 9,000 ayisyen otorite dominiken yo refoule Ayiti.
Daprè Direktè jeneral migrasyon dominiken an, Venancio Alcántara, genyen yon total 8,977 ayisyen ki rapatriye sou de premye semèn mwa janvye an nan ane 2023 a.
Ayisyen sa yo kote yon bon pati nan yo rantre ilegal sou teritwa dominiken an, fòse tounen Ayiti aprè arestasyon yo nan operasyon kontwòl ajan imigrasyon ak militè Cesfront kontinye ap mennen nan tèt kole sou sipèvizyon ekip entèdiksyon migrasyon yo.
N ap raple, pou ane 2022 an, Direksyon jeneral migrasyon an Repiblik Dominikèn te resanse yon total 143,333 ayisyen ki rapatriye an Ayiti nan kad operasyon gouvènman dominiken an pa t sispann mennen kont migran ilegal yo, sitou ayisyen k ap viv lòtbò fwontyè a.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.