Facebook ak Instagram pral retire entèdiksyon pou medam yo pa poste foto ak tete yo san kouvri 

Sam Sarah Devilus
Sam Sarah Devilus  - Rédactrice
facebook ak instagram pral retire entèdiksyon pou medam yo pa poste foto ak tete yo san kouvri 

Konsèy siveyans gwoup Meta mande facebook ak instagram pou yo ta revize politik yo genyen, nan sa ki gen awè ak nidite sou platfòm yo a. Rezo sosyal sa yo nan jou k ap vini la yo, kapab retire restriksyon ki genyen pou fanm pa poste ak tete yo san mayo oubyen soutyen.  

Facebook ak instagram te toujou sanrire tout foto yon fanm ta poste san anyen ki kouvri tete l. Entèdiksyon sa pat pou gason ak fanm ki ta sibi yon operasyon nan tete l. Politik sa te toujou fè gwo tole sou rezo sosyal yo, sitou bò kote medam yo ki estime yo seksyalize tete yo, pakont gason yo gen tout dwa pou poste nenpòt foto yo vle ak pòtray yo epi tete yo byen an evidans.  

- Advertisement -
Ad imageAd image

Konsèy siveyans gwoup Meta mande Facebook ak Instagram pou yo ta fè yon pase men nan règleman yo genyen sou nidite, an patikilye sa ki anpeche medam yo poste ak tete yo toutouni, paske, daprè konsèy la, règleman sa anpeche medam yo, moun ki chanje sèks yo ak moun ki pa defini yo kòm ni fanm ni gason yo, eksprime yo jan yo ta vle fè l la.  

“Nou mande pou Meta panche l sou sa, nou panse fòk gen plis egalite,” se sa Helle Thorning-Schmidt, ansyen premye minis peyi Dànmak ak manm konsèy siveyans Meta te deklare, ayè jedi a avan li te rapousiv pou l di ” fòk nou remake se sèlman tete gason yo ak tete fanm ki te sibi yon entèvansyon chirijikal ki pa seksyalize ak sansire.” 

Daprè konsèy la, si platfòm sa yo anpeche fanm yo, moun ki chanje sèks yo ak moun ki non binè yo poste foto tete yo jan yo vle, se ta yon diskriminasyon, e sa ta vle di tou moun ki fè règ sa yo ta gentan defini depi anlè sèks ak janr yon moun, alòske li pa sa vre nan reyalite a.  

Konsèy la mande ak direksyon Meta a pou l redefini kritè ak objektif klè e ki respekte dwa moun, pou trete tout moun sou platfòm yo san okenn diskriminasyon de sèks ak janr, menm jan an estanda entènasyonal yo sou sa ki gen pou wè ak dwazimen.  

Nan lide sa, platfòm yo ap travay pou yo chanje kritè sa yo. Nenpòt ki jou, Facebook ak Instagram kapab anonse yo retire tout restriksyon yo genyen pou moun poste yon foto ak tete yo san kouvri.  

Facebook Comments

- Advertisement -
Partagez cet article
Sam Sarah Devilus
Par Sam Sarah Devilus Rédactrice
Follow:
Journaliste / Communicatrice / Bookstagrameuse.