Nan yon reyinyon avèk reprezantan espesyal OEA an Ayiti an, Cristobal Dupouy, kòmandan Misyon miltinasyonal soutyen ak sekirite an, Godfrey Otunge, anonse chèf gang yo pa p gen okenn kote pou kache pandan operasyon yo.
Alòske rès fòs miltinasyonal la kontinye pran tan pou rive nan peyi a, chèf misyon an, Godfrey Otunge, deja voye gwo avètisman bay chèf gang yo ki kontinye ap taye banda toupatou nan peyi a, malgre prezans 2 kontenjan kenyan yo.
Rankont sa ki fèt nan dat 12 dawout ki sot pase a ant kòmandan misyon an ak reprezantan Òganizasyon eta ameriken yo an Ayiti an, se te okazyon pou OEA te remontre angajman l pou kontinye soutni misyon sa ki gen pou prensipal objektif retabli sekirite nan peyi a.
Cristobal Dupouy pwomèt jeneral Godfrey Otunge òganizasyon li reprezante an ap kontinye sipòte misyon an kote li ta menm pale de posiblite pou ta bay misyon an elikoptè pou akonpanye yo nan operasyon pou demantle gang yo.
Sous Foto: KRCU
