Entèvansyon lapolis nan Site Solèy pou libere tèminal Varreux

Pooshy Rosana
Pooshy Rosana  - Rédacteur
entèvansyon lapolis nan site solèy pou libere tèminal varreux

Apre plizyè jou afwontman ak bandi, Polis Nasyonal d Ayiti (PNH) finalman rive kreye yon chemen nan direksyon tèminal Varreux, ki chita nan komin Site Solèy e ki anba kontwòl « G9 an Fanmi e Alye », ki gen nan tèt li Jimmy Cherizier alyas « Babekyou ». 

Depi mwens pase 3 jou moun ap tande gwo kout zam nan zòn anba Delma. Nou aprann plizyè manm inite espesyalize PNH la te vle a tout pri reprann kontwòl pi gwo sant kote yo estoke pwodwi petwolye yo nan peyi a. 

- Advertisement -
Ad imageAd image

“L’espace de Varreux entièrement occupé à l’instant par les unités spécialisées de la PNH. Après des échanges de tirs avec les bandits pendant plusieurs heures, les unités consolident leur position et pourraient libérer toutes les voies bloquées par des containers pendant des mois”, se sa jounalis Gary Pierre Paul Charles te di nan yon tweet jedi 3 novanm 2022. 

Enstitisyon polisyè a vle lanse ouvèti yon koridò imanitè nan zòn sa a ki sou enfliyans gang sèlman. Sepandan, pou le moman, pa gen okenn deklarasyon ofisyèl ki parèt sou divès rezo sosyal lapolis nasyonal la. 

Yon lòt kote, plizyè sitwayen rapòte afwontman ant bandi ak lapolis nan Site a lakòz gen domaj kolateral. Plizyè moun, sivil, blese ak bal mawon nan katye ki tou pre yo. Gen yon videyo amatè ki menm montre omwen 2 moun ki blese pa bal y ap transpòte yo nan bourèt, yon vwa pa anba akize lapolis la. N ap travay pou n otantifye videyo sila.  

N ap raple, depi plis pase yon mwa anyen pa mache sou teritwa ayisyen an akoz mank gaz la ki afekte tout sektè aktivite yo, e nan tèt kriz sa a yon sèl non moun ap klewonnen: Babekyou. 

Pòtpawòl G9 la pran an otaj youn nan pi gwo sant kote yo estoke gaz ki pou al vann sou mache fòmèl la, tèminal Varreux. Depi lè sa pa gen anyen ki ap byen mache. Lekòl, kèk lopital, makèt, pami lòt enstitisyon ak biznis yo pa fonksyone ankò oswa yo oblije chanje orè yo. Kominote entènasyonal la te enpoze sanksyon sou gang ame yo, patikilyèman G9, men pa gen anyen ki sanble entimide yo nan chemen yo, sitou Babekyou. 

Chèf gang lan ki okipe yon pati nan Wout Nasyonal No 1 an sèmante sou demisyon Premye Minis Ariel Henry pou l libere tèminal la ki oblije paka fonksyone. Chak jou li mande popilasyon an entansifye revandikasyon lu yo. Plizyè fwa deja Babekyou te pran lari pou pwoteste kont pouvwa an plas ak kominote entènasyonal la, zam nan men. 

Facebook Comments

- Advertisement -
TAGGED:
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.