Nan batay pou tit Premier League la, k ap mete Manchester City fas Arsenal nan Ethihad Stadium nan pou mèkredi. Pep Guardiola fè konnen Erling Haaland p ap ka prezan pou afwonte Gunners yo, akòz li te blese nan match fas Aston-villa aprè yon dyèl ak gadyen Emiliano Martinez.
Antrenè Manchester City a Pep Guardiola, anonse absans Erling Haaland pou match chòk nan Premier League la fas ekip Asernal. Yon batay pou tit la, paske Gunners yo gen 3 pwen an plis Citizens yo.
» li pran yon gwo kou, li pa santi l byen, nou pa anvi pran okenn risk ak jwè a, n ap fè tès yo nan jou k ap vini yo. M espere l ap prè pou mèkredi, n ap gad sa nou ka fè », te deklare antrenè Citizens yo.
Rankont sa enpòtan pou tou 2 ekip yo, ki sou wout pou pran tit Premier League la. Absans bitè Novèjyen an ap peze anpil pou Manchester City pou rankont sa, mèkredi.
