Estasyon Gonayiv : bandi ki gen entansyon dechouke kèk biznis vide lwil sou wout la pou pyeje Lapolis 

Witson Beaujour
Witson Beaujour
Foto : Theriel Thelus
Écoutez cet article

Sitiyasyon an panikan nan zòn Estasyon Gonayiv la, maten samdi 24 septanm 2022 a. Selon enfòmasyon ki disponib sou paj Facebook  prezantatè emisyon (Ti Koze Ak TT) a, Thériel Thélus, plizyè bandi ak zam nan zòn nan gen entansyon atake kèk biznis. Imaj yo montre yon lwil ki vide sou wout la nan sousi pou anpeche tout entèvansyon fòs lòd yo kap sikile nan cha blennde yo. 

Sa fè kèk tan, zak dechoukay yo tounen youn nan estrateji manifestan yo itilize pou fòse gouvènman aktyèl la tande epi satisfè revandikasyon yo. Poutan bagay yo sanse pi konplike chak jou pi plis, mete sou bandi ak zam yo ki adopte menm metòd sa a tou. si n ta  kwè sa Thériel Thélus ekri a, gang ki bezwen piye kèk biznis nan zòn Stasyon Gonayiv la vide anpil lwil sou wout la. Yo fè sa nan lide pou yo ka pran nan pyèj yon cha blennde lapolis ki konn fè wout la. Selon sa li ekri, bandi ki fè sa yo sòti sitou Pele / Simon. 

- Advertisement -
Ad imageAd image

Nan sans sa a, li enpòtan pou tout moun k ap fè zòn Mòn Dekèt, ak anviwon estasyon Gonayiv la, fè anpil prekosyon. Jounalis la kontinye pou l mande ak polisye yo pou yo veye kote y ap mete pye yo pou yo pa pran nan pyèj la. Pske pou kouwèl ye la a, se pa sèl manifestan ki fè piyaj, ata nèg ak zam antre nan menm pretèks  la tou. 

Facebook Comments

- Advertisement -
Partagez cet article
Witson Beaujour, journaliste-rédacteur, chanteur, musicien et mécanicien industriel. Passionné de reportages, de documentaires et de lecture.